paksahafat پاک صحافت
Related Articles
لاہور (پاک صحافت) بلاول بھٹو کا کہنا ہے کہ پی ٹی آئی حکومت نے ملک میں آئین اور جمہوریت کو پامال کیا ہوا ہے، ہمارا لانگ مارچ جمہوریت اور آئین کے تحفظ اور بحالی کے لئے ہے۔
تفصیلات کے مطابق پیپلزپارٹی کے چیئرمین بلاول بھٹو زرداری نے لاہور ہائیکورٹ بار سے خطاب کرتے ہوئے کہا ہے کہ ہم پارلیمنٹ پر حملے پر یقین نہیں رکھتے، ہم جمہوریت پسند لوگ ہیں، ملک میں قانون کی بالادستی ضروری ہے، عدم اعتماد کی تحریک لانے کیلئے ہر رکن پارلیمنٹ کو ساتھ دینے کی مہم چلائیں گے، عوام کو دکھائیں گے کہ معاشی بحران ہے۔
بلاول بھٹو کا مزید کہنا تھا کہ ذوالفقار علی بھٹو نے ملک کو آئین دیا، وہ آج بھی لوگوں کے دلوں میں زندہ ہیں، میرے والد نے ایک زندگی جیل میں گزاری، 30 سال تک احتساب اور کیسز کا سامنا کیا، عدالتوں نے میرے والد اور والدہ کو باعزت بری کیا، تاریخ نے اپنا فیصلہ سنایا اور بے نظیر بھٹو بے قصور ٹھہریں۔
