paksahafat پاک صحافت
Related Articles
لاہور (پاک صحافت) نگراں وزیراعلی پنجاب محسن نقوی کا کہنا ہے کہ سانحہ جڑانوالہ میں ملوث شرپسندوں کو قانون کے کٹہرے میں لائیں گے۔
تفصیلات کے مطابق نگراں وزیراعلی پنجاب محسن نقوی نے مسیحی برادری کے رہنماوں سے لاہور میں ملاقات کی۔ اس موقع پر وفد سے گفتگو کرتے ہوئے انہوں نے کہا ہے کہ سانحہ جڑانوالہ کے شواہد مل گئے ہیں اور ویڈیوز بھی موجود ہیں۔ تمام شرپسندوں کو گرفتار کر کے قانون کے کٹہرے میں لائیں گے۔
محسن نقوی کا مزید کہنا تھا کہ جڑانوالہ واقعہ کی جتنی بھی مذمت کی جائے کم ہے۔ پوری کوشش ہے کہ متاثرہ گرجا گھروں کو جلد اصل حالت میں بحال کیا جائے۔ گھروں کی بحالی کے لیے متاثرہ خاندانوں کو مالی امداد دی جائے گی۔
انہوں نے کہا کہ مسیحی برادری کے جان و مال کا تحفظ ہماری ذمہ داری ہے۔ مستقبل میں ایسے سانحہ کو روکنے کیلئے مؤثر اقدامات کرنا ہوں گے۔ جڑانوالہ سانحہ کے ذمہ داروں کو کیفر کردار تک پہنچانے کے لئے جہاں تک ممکن ہوسکا، جائیں گے۔
