paksahafat پاک صحافت
Related Articles
راولپنڈی (پاک صحافت) آرمی چیف جنرل سید عاصم منیر نے پاکستان کی ترقی اور خوشحالی کے لیے اتحاد اور اجتماعی کوششوں کی اہمیت کا اعادہ کیا ہے۔
تفصیلات کے مطابق راولپنڈی میں گرین پاکستان انیشیٹو کانفرنس سے خطاب کرتے ہوئے آرمی چیف جنرل عاصم منیر نے کہا کہ پاکستان کی خوشحالی اور ترقی کے سفر میں عدم استحکام برداشت نہیں کیا جائے گا۔ آرمی چیف نے کہا کہ منفی پروپیگنڈہ اور سوشل میڈیا ٹرول پاکستان اور اس کے عوام کی ترقی اور خوشحالی کے لیے کام کرنے سے قوم کی توجہ ہٹا نہیں سکتے۔
آرمی چیف جنرل عاصم منیر کا مزید کہنا تھا کہ آئیے ہم سب مل کر منفی قوتوں کو مسترد کریں اور پاکستان کی ترقی اور استحکام کے سفر پر توجہ دیں۔ ملک کی مسلح افواج قوم کی حمایت سے پاکستان کی ترقی اور خوشحالی میں رکاوٹیں ڈالنے والی تمام دشمن قوتوں کو ناکام بنائے گی۔
آرمی چیف نے کہا کہ آج کے دور میں معاشی استحکام کے بغیر مکمل آزادی ممکن نہیں جب کہ پاکستان کی خوشحالی اور ترقی کے سفر میں عدم استحکام برداشت نہیں کیا جائے گا۔
