paksahafat پاک صحافت
Related Articles
(پاک صحافت) گوگل کی مقبول ترین ایپ میپس کے استعمال کا تجربہ اب مکمل طورپر بدلنے والا ہے۔ گوگل میپس میں ایمرسیو (Immersive) ویو کا پہلے سے زیادہ بہتر فیچر متعارف کرایا جا رہا ہے۔ اس فیچر سے لوگوں کے لیے مطلوبہ منزل تک جانے کا راستہ سمجھنا آسان ہو جائے گا۔ گوگل کی جانب سے اسے ایمرسیو ویو فار روٹس کا نام دیا گیا ہے جس کا اعلان کمپنی کی سالانہ ڈویلپر کانفرنس کے موقع پر کیا گیا۔
تفصیلات کے مطابق اس فیچر میں کسی راستے کو برڈ آئی ویو سے دیکھا جاسکے گا تاکہ صارف اس کے آس پاس کے معروف مقامات یا عمارات کو بہتر طریقے سے جان سکے۔ گوگل کی جانب سے ٹریفک کی تفصیلات بھی فراہم کی جائیں گی تاکہ لوگ اس کے مطابق سفر کر سکیں۔ اس فیچر کو پیدل چلتے، گاڑی چلاتے یا سائیکل پر سفر کرتے ہوئے بھی استعمال کرنا ممکن ہوگا۔
واضح رہے کہ یہ بنیادی طور پر گوگل میپس میں گزشتہ سال متعارف کرائے گئے ایمرسیو ویو فیچر پر مبنی ہے مگر اس سے مخصوص مقامات کی بجائے پورے شہر کا 3 ڈی جائزہ لینا ممکن ہو جائے گا۔ یہ فیچر میپس کے ذریعے نیوی گیشن کے تجربے کو بدل دے گا تاہم صارفین کو اس کے لیے کچھ انتظار کرنا ہوگا۔ کمپنی نے بتایا کہ اس فیچر کو آنے والے مہینوں میں ابتدائی طور پر چند شہروں میں متعارف کرایا جائے گا۔
