paksahafat پاک صحافت
Related Articles
استنبول (پاک صحافت) اقتصادی تعاون تنظیم تجارت اور ترقیاتی بینک پاکستان کو 150 ملین یورو کا مدتی قرض فراہم کرے گا۔
تفصیلات کے مطابق ای سی او ٹریڈ اینڈ ڈویلپمنٹ بینک کے صدر یالسن یوکسل اور وزیراعظم شہباز شریف سے اعلیٰ سطحی ملاقات ہوئی۔ ملاقات کے دوران یالسن یوکسل نے اعلان کیا کہ بینک کی جانب سے پاکستان کو 150 ملین ڈالر کا قرض فراہم کیا جائے گا۔ انہوں نے کہا کہ مالیاتی پیکج سیلاب کی امدادی کوششوں کے ساتھ ساتھ ایندھن کی درآمد کے لیے مالی معاونت میں معاون ثابت ہوگا۔
اس موقع پر وزیراعظم شہباز شریف نے ای سی او ٹریڈ اینڈ ڈویلپمنٹ بینک کا شکریہ ادا کیا اور رکن ممالک کے ترقیاتی کاموں کو پورا کرنے میں بینک کے اہم کردار کو سراہا۔ انہوں نے اس بات پر زور دیا کہ ایک ایسے وقت میں جب پاکستان کو معاشی اور ماحولیاتی چیلنجز کا سامنا ہے ECO بینک کی جانب سے مالی امداد کی فراہمی کو پاکستان کی حکومت اور عوام نے بے حد سراہا ہے۔
