paksahafat پاک صحافت
Related Articles
لاہور (پاک صحافت) چکی مالکان نے اپنی طرف سے آٹے کی قیمت میں دس روپے فی کلو کے حساب اضافہ کردیا ہے جبکہ گندم کی قیمت بھی بڑھا دی ہے۔ جس کے بعد عوام میں تشویش کی لہر دوڑ گئی۔
تفصیلات کے مطابق لاہور میں چکی مالکان نے آٹے کی قیمت 80 روپے سے بڑھا کر 90 روپے کردی ہے اور گندم پسائی کے ریٹس 320 روپے کر دئیے ہیں۔ اس کے علاوہ چکی مالکان نے 40 کلو پسائی پر 2 کلو گندم کٹوتی بھی شروع کر دی ہے۔ جس کے بعد عوام کی پریشانی میں مزید اضافہ ہوا ہے۔
ذرائع کے مطابق چکی مالکان کا کہنا ہے کہ گندم کی قیمتوں میں اضافے کی وجہ سے آٹے کی قیمت بڑھائی ہے، گندم 2500 روپے من ہو گئی ہے اور بجلی کی قیمتوں میں بھی اضافہ ہوا ہے۔ جبکہ حکومت کی جانب سے ہمارے ساتھ کسی قسم کا تعاون نہیں کیا جارہا۔
Short Link
Copied
