paksahafat پاک صحافت
Related Articles
لاہور (پاک صحافت) پاکستان مسلم لیگ ن پنجاب کی ترجمان عظمیٰ بخاری نے اسپیکر پنجاب اسمبلی کو آڑے ہاتھوں لیتے ہوئے کہا کہ پرویز الٰہی اپنی بوٹی سیاست کیلئے اوچھی حرکتوں پر آیا ہوا ہے، پرویز الٰہی کا اچھا علاج ہے لیکن ابھی اس کا وقت نہیں آیا، ان کا علاج ضرور کریں گے۔
تفصیلات کے مطابق عظمی بخاری نے جاری بیان میں کہا کہ پرویز الٰہی کو وزیر اعلیٰ نہ بننے کا غم ہے، انہیں عقل اور تمیز نہیں آرہی، بجٹ سے نہ حمزہ شہباز اور ظہور الہٰی روڈ پر بٹنا ہے یہ پنجاب کی عوام کا بجٹ ہے۔ عظمی بخاری کا کہنا ہے کہ عوامی بجٹ کو پاس ہونا چاہیے۔
واضح رہے کہ اس سے قبل وزیر اعلیٰ پنجاب حمزہ شہباز نے جاری بیان میں کہا کہ اسپیکر پنجاب اسمبلی اور عمران خان صوبے کی عوام کو بجٹ سے محروم رکھنا چاہتے ہیں، آج کے مسائل کے ذمہ دار عمران خان اور اسپیکر ہیں، ان کی انا بہت بڑھ گئی ہے۔
