paksahafat پاک صحافت
Related Articles
کوئٹہ (پاک صحافت) بلوچستان میں دہشت گردی کے خطرے کے پیش نظر کوئٹہ سمیت دیگر علاقوں میں سرکاری اور غیرسرکاری تعلیمی اداروں کو دو دن کے لئے بند کرنے کا اعلان کیا گیا ہے۔
تفصیلات کے مطابق صوبائی محکمہ داخلہ نے دہشتگرد حملوں کے خدشے کے پیش نظر سیکورٹی الرٹ جاری کردیا ہے۔ کوئٹہ، سبی، مچھ اور چمن کے ریلوے اسٹیشنوں پر سیکورٹی بڑھا دی گئی۔ کوئٹہ کے تمام اسپتالوں میں ایمرجنسی نافذ کردی گئی ہے۔ کوئٹہ اور گوادر میں فورسز کو ہر قسم کے حالات سے نمٹنے کے لئ ے22 مارچ تک الرٹ رہنے کا حکم دیا گیا ہے۔
دوسری جانب محکمہ تعلیم کے اعلامیہ کے مطابق کوئٹہ میں تمام سرکاری اور نجی تعلیمی ادارے آج سے 2 روز کے لئے بند رہیں گے۔ جامعہ بلوچستان بھی 2 روز کے لئے بند رہے گی۔ اعلامیہ میں مزید کہا گیا ہے کہ کوئٹہ میں آج اور کل ہونے والے میٹرک کے امتحانات بھی ملتوی کردئیے گئے ہیں۔
