paksahafat پاک صحافت
Related Articles
اسلام آباد (پاک صحافت) پاکستان تحریک انصاف کے اراکین اسمبلی نے اسپیکر کو چھٹی کی درخواست دے دی، جن میں نواز الٰہی اور طالب نکئی شامل ہیں۔ ذرائع قومی اسمبلی سیکرٹریٹ کے مطابق زبیدہ جلال، غلام بی بی بھروانہ، غلام محمد لالی نے حاضری رجسٹر میں حاضری لگا دی، 22 ارکان نے اسپیکر کو ٹیلیفون کیا، 6نے کہا اجتماعی استعفوں پر ہمارے جعلی دستخط ہیں۔
تفصیلات کے مطابق استعفوں کی منظوری کے معاملے پر پاکستان تحریک انصاف کے وفد نے آج اسپیکر قومی اسمبلی راجہ پرویز اشرف سے بھی ملاقات کی تھی۔ ملاقات میں اسپیکر قومی اسمبلی کا کہنا تھا کہ سیاست میں ملاقات کے دروازے کبھی بند نہیں ہونے چاہئیں لیکن استعفوں کی منظوری آئین اور قانون کے مطابق مطابق ہو گی اور ہر رکن اسمبلی کو اپنے ہاتھ سے استعفیٰ لکھ کر دینا ہو گا جس میں تصدیق علیحدہ علیحدہ ہو گی۔
واضح رہے کہ دوسری جانب پاکستان تحریک انصاف (پی ٹی آئی) کا مؤقف ہے کہ تمام 123 اراکین نے قومی اسمبلی میں کھڑے ہو کر استعفوں کی منظوری کا کہا اور سابق ڈپٹی اسپیکر قاسم سوری نے اراکین کے استعفوں کی منظوری کا عمل پورا کر دیا تھا لیکن موجودہ اسپیکر قومی اسمبلی نے اراکین کے استعفوں کی منظوری کا عمل روک دیا۔
