paksahafat پاک صحافت
Related Articles
اسلام آباد (پاک صحافت) وزیر داخلہ رانا ثناءاللہ کا کہنا ہے کہ ملک میں امن و امان کی صورت حال خراب ہونے پر گرفتاریاں عمران خان سے شروع ہونی چاہئیں، کیونکہ وہی اس فتنے کا جڑ ہے۔
تفصیلات کے مطابق وفاقی وزیر داخلہ رانا ثناءاللہ نے نجی ٹی وی چینل کے پروگرام میں گفتگو کرتے ہوئے کہا ہے کہ اس وقت تحریک انصاف کے دو سے ڈھائی ہزار افراد مطلوب ہیں۔ میں ذاتی طور پر سمجھتا ہوں کہ عمران خان سے گرفتاریاں شروع ہونی چاہیں کیونکہ عمران خان وہ آدمی ہے جو اس ملک میں فساد اور انارکی پھیلانا چاہتا ہے۔
وزیر داخلہ رانا ثناءاللہ کا مزید کہنا تھا کہ عمران خان اپنے گھر آکر ٹھہریں، وہ کے پی وزیراعلیٰ ہاؤس میں جا کر بیٹھے ہوئے ہیں۔ اب عمران خان ہیلی کاپٹر کے ذریعے ہی اسلام آباد آسکیں گے باقی بائی روڈ مارچ کرکے آنا کا سوچیں بھی نہیں۔ اب ہم نے فل تیاری کی ہوئی ہے۔
Short Link
Copied
