paksahafat پاک صحافت
Related Articles
اسلام آباد (پاک صحافت) رانا ثناءاللہ کا کہنا ہے کہ غیرقانونی طریقے سے امیگریشن اور انسانی اسمگلنگ میں ملوث عناصر کے خلاف سخت کارروائیوں کا سلسلہ شروع کریں گے۔
تفصیلات کے مطابق ترکی کے سفیراحسان مصطفے یرداگل کی وزیر داخلہ رانا ثناءاللہ سے الوداعی ملاقات ہوئی ہے۔ ملاقات کے دوران پاکستان، ترکی دوطرفہ تعلقات سمیت باہمی دلچسپی کے دیگرامورپر بات چیت سمیت پاکستان سے ترکی کیلئے غیر قانونی امیگریشن اورانسانی اسمگلنگ روکنے کے حوالے سے گفتگو کی گئی۔
اس موقع پر وزیرداخلہ نے سفیر کو اپنے ترک ہم منصب سلیمان سوئے لو سے گزشتہ روز ہونے والی بات چیت سے متعلق آگاہ کیا۔ انہوں نے بتایا کہ غیرقانونی امیگریشن اورانسانی سمگلنگ روکنے اوراس میں ملوث عناصرکیخلاف کارروائی تیز کرنے کرنے کا فیصلہ کیا ہے جس کے لئے ایف آئی اے نادرا اور ترک امیگریشن ادارے ملکر حکمت عملی طے کر رہے ہیں جبکہ انتظامی اور تکنیکی اقدامات کو حتمی شکل دی جاچکی ہے۔
