paksahafat پاک صحافت
Related Articles
اسلام آباد (پاک صحافت) الیکشن کمیشن آف پاکستان کے سابق سیکریٹری کنور دلشاد کا کہنا ہے کہ نگراں وزیرِ اعلیٰ سے متعلق الیکشن کمیشن کا فیصلہ کسی عدالت میں چیلنج نہیں ہوتا۔ ان کا کہنا ہے کہ الیکشن کمیشن نگراں وزیرِ اعلیٰ مقرر کر دے تو فیصلہ حتمی ہوتا ہے۔
تفصیلات کے مطابق نجی ٹی وی چینل کے پروگرام میں گفتگو کرتے ہوئے الیکشن کمیشن آف پاکستان کے سابق سیکریٹری کنور دلشاد نے کہا کہ الیکشن کمیشن کو 4 ناموں میں سے کسی ایک کو نگراں وزیرِ اعلیٰ مقرر کرنا ہوتا ہے۔ انہوں نے کہا ہے کہ تمام سیاسی جماعتوں کو الیکشن کمیشن کا فیصلہ تسلیم کرنا لازمی ہے۔
واضح رہے کہ الیکشن کمیشن آف پاکستان کے سابق سیکریٹری نے مزید بتایا ہے کہ دنیا کے کسی بھی ملک میں نگراں حکومت کا نظام نہیں ہے۔ ان کا یہ بھی کہنا ہے کہ پاکستان میں سیاسی جماعتیں کسی پر اعتماد نہیں کرتیں اس لیے یہاں نگراں سسٹم ہے۔
