paksahafat پاک صحافت
Related Articles
لاہور (پاک صحافت) خواجہ آصف کا کہنا ہے کہ قائد نوازشریف کی وطن واپسی انشاءاللہ بہت جلد ہوگی۔
تفصیلات کے مطابق مسلم لیگ ن کے رہنما خواجہ آصف نے سماجی رابطے کی ویب سائٹ پر ایک بیان جاری کرتے ہوئے سابق وزیراعظم اور مسلم لیگ ن کے قائد میاں نواز شریف کی جلد وطن واپسی کا اعلان کردیا ہے۔
خواجہ آصف کا کہنا ہے کہ بعض معتبر کالم نویس اور اینکرز لکھ رہے ہیں کہ میاں نواز شریف سپریم کورٹ کے فیصلے سے متاثر ہوں گے۔ ان حضرات سے عرض ہے کہ نوازشریف کی نااہلی 5 سال کی مدت گزرنے کے بعد ختم ہو چکی ہے۔
خواجہ آصف کا مزید کہان ہے کہ اس سلسلے میں ایک حالیہ قانون سازی سے رجوع کرنے کی ضرورت ہے جس میں نااہلی 5 سال تک محدود کر دی گئی ہے۔
انہوں نے کہا کہ نواز شریف وطن واپسی کے بعد سیاست میں بھرپور کلیدی کردار ادا کریں گے اور رب العزت کی مہربانی سے ماضی کی تمام زیادتی کا ازالہ ہوگا۔
