paksahafat پاک صحافت
Related Articles
لاہور (پاک صحافت) مریم نواز کا کہنا ہے کہ نواز شریف پاکستان کو بحرانوں سے نکالنے کے لئے آرہے ہیں۔
تفصیلات کے مطابق مسلم لیگ ن کی چیف آرگنائزر مریم نواز نے لاہور میں مسلم لیگ ن یوتھ والنٹیئرز کے اجلاس سے خطاب کرتے ہوئے کہا ہے کہ نواز شریف عوام کو مہنگائی سے نجات دلا کر نوجوانوں اور مزدوروں کے لیے روزگار، امن اور ترقی کے ایک نئے دورکا آغاز کریں گے۔
مریم نواز کا مزید کہنا تھا کہ نواز شریف ملک کی معیشت بحال کریں گے، دہشت گردی کا خاتمہ کریں گے، 21 اکتوبرکو عوام ثابت کریں گےکہ قائد صرف نواز شریف ہیں۔ نواز شریف پاکستان کے زخموں پر مرہم ہیں، اللہ تعالی نے ہمیشہ نواز شریف کو سرخرو اور سربلند کیا۔
انہوں نے کہا کہ نظام کی اصلاح اور عوام کی فلاح نواز شریف کا مقصد ہے۔ نواز شریف کی دی ہوئی ترقی نکال دیں تو پاکستان میں صرف کھنڈرات بچیں گے، ہم نے قوم کی خدمت کا ایک لمحہ ضائع کیا نہ آئندہ کریں گے۔
