paksahafat پاک صحافت
Related Articles
شرم الشیخ (پاک صحافت) وزیراعظم شہباز شریف کا کہنا ہے کہ سیلاب سے نقصانات کا تازہ ترین اندازہ 30 ارب ڈالر ہے۔
تفصیلات کے مطابق وزیراعظم شہباز شریف نے یو این سیکرٹری جنرل انتونیو گوتریس سے ملاقات کی جس کے بعد مشترکہ پریس کانفرنس میں وزیراعظم کا کہنا تھا کہ لاکھوں سیلاب متاثرین کو سردیوں میں گرم کپڑوں کی ضرورت ہے، سیلاب متاثرہ علاقوں میں وبائی امراض پھیل رہے ہیں۔
وزیراعظم شہباز شریف کا مزید کہنا تھا کہ سیلاب متاثرہ علاقوں میں آج بھی پانی کھڑا ہے، سیلاب سے نقصانات کا تازہ ترین اندازہ 30 ارب ڈالر ہے ، تعاون کرنے پر عالمی ادارہ صحت اور دیگر کے شکر گزار ہیں۔ کانفرنس کے موقع پر وزیراعظم سے مختلف ملکوں اور اداروں کے سربراہوں نے ملاقات کی۔ شہباز شریف سے اسپین، نائیجر، ایسٹونیا، کویت، بحرین، تاجکستان، عراق، انڈونیشیا اور لبنان کے قائدین نے الگ الگ ملاقات کی۔
