paksahafat پاک صحافت
Related Articles
کراچی (پاک صحافت) متحدہ قومی موومنٹ (ایم کیو ایم) اور پاکستان مسلم لیگ ق کے بعد اب پاکستان مسلم لیگ فنکشنل بھی حکومت اتحاد سے باغی ہونے لگی ہے۔ فنکشنل لیگ سندھ کے سیکرٹری سردار عبدالرحیم نے اس حوالے سے گفتگو کرتے ہوئے کا کہ عمران خان کچھ کرنا ہی نہیں چاہتے تو وہ کیا کر سکتے ہیں۔
تفصیلات کے مطابق مسلم لیگ فنکشنل سندھ کے سیکریٹری جنرل سردار عبداالرحیم نے وفاقی حکومت سے اتحاد سے متعلق گفتگو کرتے ہوئے کہا کہ فنکشنل لیگ نے وفاقی حکومت سے لاتعلقی اختیار کرلی ہے۔ سردار عبد الرحیم کے مطابق اب وہ وفاقی حکومت کے خلاف کھل کر بات کر سکتے ہیں۔
واضح رہے کہ فنکشنل لیگ سندھ کے سیکریڑی کا کہنا تھا کہ انہوں نے عمران خان کو چارٹر آف ڈیمانڈ بھی دیا تھا، عمران خان کچھ کرنا ہی نہیں چاہتے تو وہ کیا کرسکتے ہیں۔ یاد رہے کہ وزیراعظم کی زیرصدارت اجلاس میں اتحادی جماعتوں کے رہنماؤں نے الیکٹرانک ووٹنگ مشین پر اپنے خدشات کا اظہار کرتے ہوئے قانون سازی میں حکومت کا ساتھ نہ دینے کا اعلان کیا تھا۔
