paksahafat پاک صحافت
Related Articles
اسلام آباد (پاک صحافت) وفاقی وزیر اطلاعات کا کہنا ہے کہ الیکشن کی تاریخ کا اعلان حلقہ بندیوں کے بعد کیا جائے گا۔
تفصیلات کے مطابق نگراں وفاقی وزیر اطلاعات و نشریات مرتضی سولنگی نے کہا ہے کہ انتخابی حلقوں کی حتمی فہرست آئندہ 30 تاریخ کو طے کی جائے گی اور اسی وقت انتخابات کی تاریخ کا اعلان کیا جائے گا۔ الیکشن ایکٹ 2017 میں واضح طور پر درج ہے کہ تمام جماعتوں کو انتخابی مہم کے لیے کم از کم 54 دن کا وقت دیا جائے گا جو کہ تقریباً دو ماہ کا ہے اس لیے امید ہے کہ انتخابات جنوری کے آخر میں ہوں گے۔
ذرائع کے مطابق الیکشن کمیشن آف پاکستان (ای سی پی) نے پہلے اعلان کیا تھا کہ عام انتخابات جنوری 2024 کے آخری ہفتے میں ہوں گے۔ حلقہ بندیوں کے کام کا جائزہ لیا اور فیصلہ کیا کہ حلقہ بندیوں کی ابتدائی فہرست 27 ستمبر کو شائع کی جائے گی۔
الیکشن کمیشن کا کہنا ہے کہ حتمی حد بندی کی فہرست 30 نومبر کو شائع کی جائے گی، عام انتخابات 54 دن کے انتخابی شیڈول کے بعد جنوری 2024 کے آخری ہفتے میں ہوں گے۔ الیکشن کی تاریخ کے اعلان کے حوالے سے الیکشن باڈی پر سیاسی جماعتوں کی جانب سے شدید دباؤ تھا۔
