paksahafat پاک صحافت
Related Articles
پاک صحافت غزہ کی پٹی پر ناجائز صیہونی حکومت کے حملوں کا سلسلہ بدستور جاری ہے جسے ایران نے فوری طور پر روکنے کا کہا ہے۔
ایران کے وزیر خارجہ نے کہا ہے کہ غزہ میں جنگی جرائم کا سلسلہ بند ہونا چاہیے۔
ایرانی وزیر خارجہ حسین امیر عبداللہیان نے جمعہ کی شام اپنے شامی ہم منصب فیصل مقداد کے ساتھ مشترکہ پریس کانفرنس میں شرکت کی۔ انہوں نے بتایا کہ کچھ عرصہ قبل میری شام کے صدر بشار اسد سے فلسطین کی موجودہ صورتحال پر بات چیت ہوئی تھی۔
عبداللہیان نے کہا کہ شام شروع سے ہی فلسطینیوں کا حامی رہا ہے۔ انہوں نے کہا کہ اطلاعات کے مطابق ناجائز صیہونی حکومت کے بعض فوجی مراکز اب بھی فلسطینی مزاحمت کاروں کے قبضے میں ہیں۔ انہوں نے کہا کہ ان علاقوں میں صیہونی حکومت فلسطینیوں کی مزاحمت کا مقابلہ کرنے کی پوزیشن میں نہیں ہے۔ اسی لیے اس نے غزہ میں نہتے فلسطینیوں پر بمباری شروع کر دی ہے جس میں عام لوگ مارے جا رہے ہیں۔ یہ کام ایک طرح کی کھلی نسل کشی ہے۔
فلسطینی مزاحمتی فورسز نے ہفتہ سات ستمبر کو ناجائز صیہونی حکومت کے خلاف الاقصیٰ کے نام سے ایک فوجی آپریشن شروع کیا۔ صیہونی حکومت اس کو روکنے میں مکمل طور پر ناکام رہی ہے۔ اپنا غصہ پورا کرنے کے لیے اس نے غزہ کی پٹی میں فلسطینیوں کے خلاف حملے شروع کر دیے جن میں عام فلسطینی مارے جا رہے ہیں۔
