paksahafat پاک صحافت
Related Articles
اسلام آباد (پاک صحافت) آصف زرداری کا کہنا ہے کہ آئین کے تحفظ کیلئے کسی بھی قربانی سے گریز نہیں کریں گے۔
تفصیلات کے مطابق پیپلزپارٹی پارلیمنٹیرینز کے چیئرمین آصف علی زرداری نے 1973 کے آئین کی گولڈن جوبلی کے موقع پر قوم کو مبارکباد پیش کرتے ہوئے اس عزم کا اظہار کیا ہے کہ آئین کے تحفظ کیلئے کسی بھی قربانی سے گریز نہیں کریں گے عوام کی منتخب پارلیمنٹ ہی عوام کی سب سے بڑی عدالت ہے اس عدالت کے سامنے سب کو سر تسلیم خم کرنا پڑے گا۔
آصف زرداری کا مزید کہنا ہے کہ 1973 کے دستور کی اہمیت یہ ہے کہ قومی اسمبلی میں موجود تمام ممبران جن کا تعلق مختلف سیاسی اور مذہبی جماعتوں سے تھا نے آئین سے اتفاق کرتے ہوئے اس پر دستخط کیئے تھے۔
انہوں نے کہا کہ آمریت کے تاریک ادوار میں پیپلزپارٹی کے جیالوں نے اپنے خون سے چراغ روشن کرکے جمہوریت کیلئے جدوجہد کرنے والوں کو راستہ دکھایا پاکستان کے عوام کی منتخب پارلیمنٹ ہی عوام کی سب سے بڑی عدالت ہے اس عدالت کے سامنے سب کو سر تسلیم خم کرنا پڑے گا۔
