paksahafat پاک صحافت
Related Articles
اسلام آباد (پاک صحافت) پاکستان ڈیموکریٹک موومنٹ کے ترجمان حافظ حمداللہ نے کہا ہے کہ اسمبلیوں کی مدت میں توسیع غیر آئینی کام نہیں، لہذا اسمبلیوں کی مدت میں ایک سال تک کی توسیع دی جاسکتی ہے۔
تفصیلات کے مطابق پی ڈی ایم ترجمان حافظ حمد اللہ نے جار ی بیان میں کہا ہے کہ معاشی حالات کو سامنے رکھتے ہوئے ابھی یہی فیصلہ ہے کہ الیکشن بروقت ہوں۔انہوں نے کہا کہ عام انتخابات اگلے سال اکتوبر میں ہی ہوں گے، اسمبلیوں کی مدت میں ایک سال تک کی توسیع دی جاسکتی ہے، جو غیر آئینی نہیں۔
واضح رہے کہ حافظ حمد اللہ کا کہنا ہے کہ پی ڈی ایم نے آئینی طریقے سے عمران خان کی حکومت کو نکالا۔عمران خان اب مطالبہ کر رہے ہیں کہ جلدی الیکشن کرائے جائیں، وہ اسمبلیوں کو تحلیل کرنے پر بضد ہیں۔ان کا یہ بھی کہنا ہے کہ وزیرِ اعلیٰ پنجاب چوہدری پرویز الہٰی کی سیاست مفاہمت کی سیاست ہے، مزاحمت کی سیاست کے وہ قائل نہیں۔
