paksahafat پاک صحافت
Related Articles
اسلام آباد (پاک صحافت) پاکستان نے سویڈن میں تورات اور بائبل کی سرعام بے حرمتی کی اجازت دینے کی شدید الفاظ میں مذمت کی ہے۔
تفصیلات کے مطابق ترجمان دفتر خارجہ نے ایک بیان جاری کرتے ہوئے کہا ہے کہ آزادی اظہار کی آڑ میں مذہبی منافرت کی جارحانہ کاروائیوں کو معاف نہیں کیا جا سکتا۔ امن کے مذہب کے طور پر اسلام تمام مذاہب، مقدس شخصیات اور مقدس صحیفوں کے احترام کا مطالبہ کرتا ہے۔
ترجمان دفتر خارجہ کا مزید کہنا ہے کہ اسلامی اخلاق کے مطابق، پاکستان نے ہمیشہ مذاہب، عقائد اور ثقافتوں کے درمیان باہمی احترام، ہم آہنگی اور پرامن بقائے باہمی کو آگے بڑھانے کی ضرورت پر زور دیا ہے۔
ترجمان دفتر خارجہ نے عالمی برادری سے مطالبہ کیا کہ یک آواز ہو کر مذہبی منافرت کی ایسی تمام گھناونی کاروائیوں کی مذمت کی جائے۔
Short Link
Copied
