paksahafat پاک صحافت
Related Articles
اسلام آباد (پاک صحافت) وفاقی وزیر خزانہ اسحاق ڈار نے اقتصادی رابطہ کمیٹی (ای سی سی) کا اجلاس آج طلب کر لیا ہے۔ذرائع کا کہنا ہے کہ ای سی سی کے اجلاس میں کسان پیکیج کے تحت 5 سال پرانے ٹریکٹرز کم ڈیوٹی پر درآمد کی منظوری کا امکان ہے۔
تفصیلات کے مطابق وزیر خزانہ اسحاق ڈار کی جانب سے اقتصادی رابطہ کمیٹی کا اجلاس آج طلب کر لیا گیا ہے۔ خیال رہے کہ اجلاس کے دوران اقتصادی رابطہ کمیٹی 6 نکاتی ایجنڈے پر غور کرے گی۔ ذرائع کے مطابق اجلاس میں رواں مالی سال کے لیے پاور ڈویژن کو 30 کروڑ روپے تکنیکی ضمنی گرانٹ کی منظوری بھی دی جا سکتی ہے۔
واضح رہے کہ وفاقی وزیر خزانہ اسحاق ڈار کی جانب سے طلب کیئے گئے اقتصادی رابطہ کمیٹی (ای سی سی) کے اجلاس کے دوران کراچی صنعتی اسٹیٹ کی سڑکوں کی مرمت کے لیے تکنیکی ضمنی گرانٹ کی منظوری اور ڈھرکی پاور ہولڈنگ لمیٹڈ میں 49 لاکھ ڈالر کی سرمایہ کاری کی منظوری کا بھی امکان ہے۔
