paksahafat پاک صحافت
Related Articles
جنیوا (پاک صحافت) وزیر خزانہ اسحاق ڈار نے آئی ایم ایف کے مشن چیف سے ایک اہم ملاقات کی ہے۔
تفصیلات کے مطابق سوئٹزرلینڈ کے شہر جنیوا میں پاکستان اور عالمی مالیاتی فنڈ (آئی ایم ایف) کے درمیان مذاکرات ہوئے ہیں۔ وزیر خزانہ اسحاق ڈار نے آئی ایم ایف کے پاکستان مشن چیف ناتھن پورٹر سے ملاقات کی ہے۔ وزارت خزانہ کے اعلامیے کے مطابق ملاقات میں پاکستان کو درپیش معاشی چیلنجز پر تبادلہ خیال کیا گیا۔
اعلامیے کے مطابق وزیر خزانہ اسحاق ڈار نے قرض پروگرام پر عمل درآمد کے عزم کو دہرایا ہے۔ وزیر خزانہ اور آئی ایم ایف مشن چیف کی ملاقات جنیوا میں ڈونرز کانفرنس میں ہوئی ہے۔ خیال رہے کہ سیلاب سے متاثرہ پاکستانی علاقوں میں تعمیرنو اور بحالی کیلئے جنیوا کانفرنس میں مختلف ممالک اور اداروں کی جانب سے 8 ارب ڈالر سے زائد امداد دینے کا وعدہ کیا گیا ہے۔
Short Link
Copied
