paksahafat پاک صحافت
Related Articles
اسلام آباد (پاک صحافت) وزیر خزانہ مفتاح اسماعیل کا کہنا ہے کہ میں اپنے ملک سے مخلص ہوں اور اپنی دن رات کی محنت سے ملک کو ڈیفالٹ ہونے سے بچایا ہے۔
تفصیلات کے مطابق وزیر خزانہ مفتاح اسماعیل نے سماجی رابطے کی ویب سائٹ پر ایک بیان جاری کرتے ہوئے کہا ہے کہ پیٹرولیم مصنوعات کی قیمتوں میں تبدیلی پی ایس او اخراجات میں تبدیلی کی عکاسی کرتی ہے، لوگوں کی تنقید کا خیرمقدم کرتا ہوں۔ میں اپنی بہترین صلاحیتوں کے مطابق کام کررہا ہوں۔
وزیر خزانہ مفتاح اسماعیل کا مزید کہنا ہے کہ میں نے کہا تھا کہ میں پیٹرول کی قیمت میں نئے ٹیکس یا لیویز میں ایک پیسہ کا بھی اضافہ نہیں کروں گا اور میں نے ایسا ہی کیا ہے۔ انہوں نے کہا کہ پیٹرولیم کی قیمتوں کی سمری اوگرا کی جانب سے پیٹرولیم ڈویژن کے ذریعے فنانس ڈویژن کو بھیجی جاتی ہے۔ وہ سمری قیمتیں طے ہونے سے چند گھنٹے پہلے ہی ہمیں ملتی ہے۔
