paksahafat پاک صحافت
Related Articles
لاہور (پاک صحافت) بھکر کی عدالت نے پی ٹی آئی رہنما علی امین کو لاہور پولیس کے حوالے کر دیا۔ ذرائع کے مطابق پی ٹی آئی رہنما علی امین گنڈا پور کو سینئر سول جج بھکر کی عدالت میں پیش کیا گیا۔ جہاں عدالت نے علی امین کو ایک روزہ راہداری ریمانڈ پر لاہور پولیس کے حوالے کیا۔
تفصیلات کے مطابق علی امین گنڈا پور کے خلاف داجل چیک پوسٹ ہنگامہ آرائی کا مقدمہ درج ہے۔ پولیس کا کہنا ہے کہ دہشت گردی کی دفعہ ختم ہونے پر علی امین کو آج سول عدالت میں پیش کیا ہے، گزشتہ شب طبیعت خرابی پر انہیں اسپتال میں طبی امداد دی گئی تھی۔
واضح رہے کہ اس موقع پر لاہور پولیس نے کہا کہ تھانہ ریس کورس پولیس کو دہشت گردی کی دفعات کے تحت مقدمے میں علی امین مطلوب ہیں۔ لاہور پولیس نے علی امین گنڈاپور کی راہداری ریمانڈ پر حوالگی کے لیے درخواست دی۔
Short Link
Copied
