paksahafat پاک صحافت
Related Articles
اسلام آباد (پاک صحافت) پاکستان کے معروف عالم دین نے سابق وزیراعظم عمران خان سے مطالبہ کیا ہے کہ وہ ایک مسلمان ہونے کی حیثیت سے گزشتہ دنوں مسجد نبوی میں پیش آنے والے واقعے کی مذمت کریں۔
تفصیلات کے مطابق سابق وزیراعظم عمران خان کے سابق مشیر علامہ طاہر اشرفی نے مسجد نبوی ﷺ میں پیش آنے والے واقعہ پر بیان جاری کرتے ہوئے کہا ہے کہ ہم اس کی شدید مذمت کرتے ہیں۔ تمام دینی و سیاسی جماعتیں مسجد نبوی واقعے کی مذمت کررہی ہیں۔
علامہ طاہع اشرفی کا مزید کہنا ہے کہ عمران خان سے بھی گزارش ہے کہ وہ اس واقعہ کی مذمت کریں۔ شیریں مزاری کا عالمی اداروں کو خط قابل افسوس ہے، کیا پاکستان کی عدالتوں نے آپ کو انصاف نہیں دیا؟۔ انہوں نے کہا کہ ایسے ہر اقدام سے ہمیں گریز کرنا چاہئے کہ جس سے بین الاقوامی سطح پر پاکستان کی بدنامی ہو۔
Short Link
Copied
