paksahafat پاک صحافت
Related Articles
اسلام آباد (پاک صحافت) پاکستان پیپلز پارٹی کی نائب صدر شیری رحمان نے جاری بیان میں کہا ہے کہ مسجد نبوی ﷺ میں جو کچھ ہوا وہ انتہائی افسوسناک اور قابلِ مذمت ہے، اس واقعہ کا کوئی دفاع نہیں ہو سکتا۔
تفصیلات کے مطابق پیپلز پارٹی کی نائب صدر شیری رحمان نے مائیکروبلاگنگ ویب سائٹ ٹوئٹر پر جاری بیان میں مسجد نبوی میں ہونے والی شرپسند نعرے نعرہ بازی کی شدید الفاظ میں مذمت کرتے ہوئے کہا ہے کہ یہ سیاسی نفرت میں مسجد نبوی ﷺ کے تقدس کو بھی بھول گئے۔ عمران خان کی خاموشی اور تحریک انصاف کا اس واقعہ کا دفاع قابل شرم ہے۔
واضح رہے کہ شیری رحمان نے جاری بیان میں مزید کہا کہ تحریک انصاف ایک خطرناک روایت کی بنیاد رکھ رہی ہے۔ یاد رہے کہ گزشتہ روز مسجد نبویﷺ میں سیاسی مخالفت کے جنون میں مذہبی تقدس کی پامالی کی گئی۔ مسجد نبویﷺ کی زیارت کے موقع پر بعض افراد کی جانب سے کابینہ اراکین کے خلاف نعرے بازی کی گئی جس پر سیاست سمیت ہر شعبے سے تعلق رکھنے والے افراد کی جانب سے مذمت کا سلسلہ جاری ہے۔
