paksahafat پاک صحافت
Related Articles
اسلام آباد (پاک صحافت) رانا ثناءاللہ کا کہنا ہے کہ محاذ آرائی کے خاتمے، عدالتی امور کے حل کیلئے مذاکرات شروع ہوگئے ہیں۔
تفصیلات کے مطابق پاکستان مسلم لیگ (ن) کے رہنما رانا ثناءاللہ نے کہا ہے کہ وزیراعظم اور پوری پارٹی لیڈرشپ کو عدلیہ سے متعلق معاملات پر تشویش ہے، معاملے کو حل کرنے کے لیے جو کوششیں ہورہی ہیں، وہ منطقی انجام سے پہلے بلکہ منطقی انجام کے بعد بھی منظر عام پر نہیں آئیں گی۔ بانی پی ٹی آئی جیسی نفرت انگیز سیاست کر رہے ہیں اس پر ان کے خلاف نئے کیسز بنیں نہ بنیں، ان کی حوصلہ شکنی ضرور ہونی چاہیے۔
رانا ثناءاللہ کا مزید کہنا تھا کہ ججز کا خط لکھنا کافی ہے کہ ایسا لائحہ عمل بن جائے کہ ادارے ایک دوسرے کی حدود میں مداخلت نہ کریں، موجودہ صورتحال کی بڑی وجہ بانی پی ٹی آئی کا مؤقف ہے کہ وہ سیاستدانوں کے ساتھ بات کرنے کو تیار نہیں، ڈی جی آئی ایس پی آر نے کہا کہ سیاستدان آپس میں بات کریں ہم سے بات کرنے کا کیا تعلق؟
انہوں نے کہا کہ مذاکرات کا معاملہ 2014 سے بند گلی میں ہے، پی ٹی آئی حکومت میں ہم دو بار ملاقات کےلیے انتظار میں رہے، بانی پی ٹی آئی اس طرح سے اپنا، پارٹی اور ملک کا نقصان کر رہے ہیں۔ موجودہ صورتحال سب کے لیے ہی درست نہیں، ڈیڈلاک ختم کرنا چاہیے، ہماری طرف سے کوئی انا یا ہٹ دھرمی نہیں دوسری طرف سے ہے۔
