paksahafat پاک صحافت
Related Articles
اسلام آباد (پاک صحافت) بلاول بھٹو کا کہنا ہے کہ قیام پاکستان جیسا عظیم کارنامہ بابائے قوم قائداعظم محمد علی جناح کی جمہوری جدوجہد کا نتیجہ ہے۔
تفصیلات کے مطابق پیپلز پارٹی کے چیئرمین بلاول بھٹو زرداری نے قائدِاعظم محمد علی جناح کے یومِ وفات پر پیغام دیتے ہوئے کہا ہے کہ آج کے دن یہ عزم کریں کہ پاکستان کو ایک ایسی ریاست بنانے کی جدوجہد جاری رکھیں جہاں جمہوریت مظبوط ہو۔ پاکستان قائداعظم کی جمہوری جدوجہد، بے مثل سیاسی بصیرت، مضبوط قوتِ ارادی اور دیانتداری کا نتیجہ ہے۔
بلاول بھٹو کا مزید کہنا ہے کہ قائداعظم محمد علی جناح ملک میں سب کے لئے سماجی انصاف چاہتے تھے، قوم کو ہر مشکل امتحان میں قائدِاعظم کی پیروی کرنا ہوگی، جو ہر مشکل کے سامنے سینہ سپر رہے۔ انہوں نے کہا کہ آج ایک بار پھر سیلاب کی شکل میں ارضِ وطن کو ایک چیلینج کا سامنا ہے، ایک ایسی ریاست بنائیں جہاں آئین و پارلیمان کی بالادستی، انسانی حقوق کی پاسداری اور سب کے لئے اقتصادی مواقع میسر ہوں۔
