paksahafat پاک صحافت
Related Articles
اسلام آباد (پاک صحافت) پاکستان پیپلز پارٹی پارلیمنٹرینز (پی پی پی پی) کی سینیٹر شیری رحمٰن نے کوہستان میں غیرت کے نام پر لڑکی کے قتل کی شدید الفاظ میں مذمت کی۔
تفصیلات کے مطابق پی پی پی رہنما کا کہنا ہے کہ قتل میں ملوث لڑکی کے ورثاء، جرگے کے تمام لوگوں کے خلاف کارروائی کی جائے۔ انہوں نے بتایا کہ کوہستان میں 2011ء میں 5 لڑکیوں کو ایسے ہی ایک واقعے میں قتل کیا گیا تھا، اس کے علاوہ 2012ء اور 2013ء میں بھی اس طرح کے واقعات پیش آ چکے ہیں۔
واضح رہے کہ سینیٹر نے مزید کہا کہ آئین اور ریاست اس طرح کے اقدامات کی اجازت نہیں دیتے۔ خیال رہے کہ خیبر پختون خوا میں کوہستان سے متصل ضلع کولئی پالیس میں ایڈیٹڈ تصویروں کی وجہ سے لڑکی کو غیرت کے نام پر قتل کر دیا گیا تھا۔
Short Link
Copied
