paksahafat پاک صحافت
Related Articles
اسلام آباد (پاک صحافت) چیئرمین بورڈ آف ڈائریکٹرز لیسکو حافظ میاں نعمان کا کہنا ہے کہ عمران خان نے سوائے الزامات اور انتقام کے کچھ نہیں کیا، ان کی ناقص کارکردگی کا نتیجہ آج کا معاشی بحران ہے۔ جب کہ بجلی، گیس، ڈالر اور پیٹرول انہی کی وجہ سے مہنگا ہوا۔
تفصیلات کے مطابق لیسکو کے ایس ای سرکل ٹو چوہدری رشید کی طرف سے لگائی جانے والی کھلی کچہری میں چیئرمین لیسکو حافظ میاں محمد نعمان نے کہا کہ عمران خان نے 4 سال میں سوائے الزامات اور انتقام کے کچھ نہیں کیا۔ عمران خان کی 4 سالہ معاشی بدحالی کی پالیسی کی سزا اج قوم بھگت رہی ہے،
واضح رہے کہ انہوں نے یہ بھی کہا کہ عوام مہنگائی میں پس رہے ہیں لیکن حکومت بجلی سمیت ہر چیز کی بدحالی کم کرے گی۔ چیئرمین بورڈ آف ڈائریکٹرز نے بتایا کہ گرڈ اسٹیشنز کا مرمتی کام مکمل کر لیا ہے، رمضان المبارک میں بلا تعطل بجلی فراہم کی جاری ہے، جلد موجودہ مسائل میں کمی لاکر عوام کو ریلیف بھی دلائیں گے۔
