paksahafat پاک صحافت
Related Articles
نیویارک (پاک صحافت) وزیراعظم شہباز شریف کا کہنا ہے کہ سیلاب کی تباہی کے بعد ملک کو درپیش چیلنجز میں اضافہ ہوا ہے۔ معاشی صورت حال کو ٹھیک کرنا انتہائی مشکل ہوگیا ہے۔
تفصیلات کے مطابق وزیراعظم شہباز شریف نے نیو یارک میں بلومبرگ کے ساتھ ایک انٹرویو میں کہا ہے کہ پاکستان کو آب و ہوا کی وجہ سے تباہ کن سیلابوں سے ہونے والی تباہی سے نمٹنے کے لیے اضافی فنڈز کی ضرورت ہے۔ قرضوں میں خاطر خواہ ریلیف کے بغیر اس تباہی کے ساتھ ہماری معیشت کو بحال کرنا ناممکن ہے۔
وزیراعظم شہباز شریف کا مزید کہنا تھا کہ جب ملک پہلے ہی معاشی بحران کا سامنا کررہا ہے، سیلاب نے لاکھوں افراد کو بے گھر کردیا ہے، لاکھوں ہیکٹر پر کھڑی فصلوں کو تباہ کرنے کے علاوہ ہزاروں مکانات کو تباہ کردیا ہے تو اب ہمیں ان لاکھوں لوگوں کی بحالی، انہیں محفوظ رہائش، طبی سہولیات فراہم کرنی ہیں، موسمیاتی لچکدار انفراسٹرکچر بنانا ہے اور سیلاب سے تباہ ہونے والی زرعی زمینوں کو بحال کرنا ہے۔ انہوں نے کہا کہ پاکستان کو اس سال اپنی غذائی ضروریات پوری کرنے کے لیے ٹن گندم بھی درآمد کرنا پڑے گی کیونکہ لاکھوں ایکڑ زرعی اراضی سیلاب کی وجہ سے زیر آب آگئی ہے۔
