paksahafat پاک صحافت
Related Articles
بغداد {پاک صحافت} عراقی سیکورٹی ذرائع سے ملنے والی اطلاعات کے مطابق موصل میں ترک قونصل خانے پر راکٹ حملہ ہوا ہے۔
شمالی عراق میں ترک فضائی حملے جاری ہیں اور حالیہ عثمانی فوج کی گولہ باری میں متعدد عراقی شہری مارے گئے ہیں۔
اس حملے کے بعد سے عراق میں ترکی کے خلاف غم و غصہ پایا جاتا ہے اور پارلیمنٹ سے لے کر گلی کوچوں تک ملک سے ترک فوجیوں کو نکالنے کا مطالبہ زور پکڑتا جا رہا ہے۔
عراقی سیکورٹی ذرائع کا کہنا ہے کہ موصل میں ترک قونصل خانے پر حملہ بدھ کی صبح ہوا۔ تاہم اس حملے میں کسی کے زخمی یا جانی نقصان کی کوئی اطلاع نہیں ہے۔
ترکی نے اس حملے پر شدید ردعمل کا اظہار کیا ہے۔ ترکی کی وزارت خارجہ نے ایک بیان جاری کیا جس میں کہا گیا ہے کہ سفارت کاروں اور قونصلر مشنوں کی حفاظت عراق کی ذمہ داری ہے۔
ترکی نے عراق سے مطالبہ کیا ہے کہ اس حملے کے مرتکب افراد کو فوری طور پر پکڑ کر سزا دی جائے۔ ترک وزارت خارجہ نے کہا کہ یہ حملہ ایسے وقت میں ہوا جب اقوام متحدہ کی سلامتی کونسل عراقی مطالبے پر اجلاس کر رہی تھی۔
20 جولائی کو عراقی کردستان میں عثمانی گولہ باری سے 11 عراقی سیاح ہلاک اور 33 زخمی ہو گئے۔
