paksahafat پاک صحافت
Related Articles
اسلام آباد (پاک صحافت) مشعال ملک کا کہنا ہے کہ حریت رہنما سید علی گیلانی کی وفات سے کشمیری قوم نے ایک عظیم رہنما کو کھو دیا اور یتیم ہوگئی ہے۔
تفصیلات کے مطابق حریت رہنما یاسین ملک کی اہلیہ مشعال ملک نے سید علی گیلانی کی وفات پر پیغام جاری کرتے ہوئے شدید دکھ اور افسوس کا اظہار کیا ہے۔ انہوں نے کہا ہے کہ سید علی گیلانی آزادی کا خواب لیے دنیا سے رخصت ہو گئے۔
مشعال ملک کا مزید کہنا ہے کہ کشمیریوں کی شناخت اور آزادی کے لیے سید علی گیلانی نے جدوجہد کی۔ ہم نے مسلم امہ اور انسانیت کے ایک بہت بڑے لیڈر اور مسیحا کو کھو دیا ہے۔انہوں نے دعا کرتے ہوئے کہا کہ اللہ تعالیٰ ان کو بلند درجات عطا فرمائے اور ان کے اہلخانہ کو صبر جمیل عطا فرمائے۔
Short Link
Copied
