paksahafat پاک صحافت
Related Articles
کراچی (پاک صحافت) بلاول بھٹو کا کہنا ہے کہ حریت رہنما سید علی گیلانی کی زندگی جہد مسلسل کا استعارہ تھی ان کو قربانیوں کو ہمیشہ یاد رکھا جائے گا۔
تفصیلات کے مطابق پیپلزپارٹی کے چیئرمین بلاول بھٹو زرداری نے حریت رہنما سید علی گیلانی کی وفات پر گہرے دکھ اور افسوس کا اظہار کرتے ہوئے کہا ہے کہ سید علی گیلانی کشمیر میں آزادی کی تحریک کا دوسرا نام تھے۔ ان کا مشن کشمیر کی آزادی تھا اور اس خواب کی تعبیر ہماری منزل ہے۔
سماجی رابطے کی ویب سائٹ ٹوئٹر پر جاری پیغام میں چیئرمین پیپلزپارٹی بلاول بھٹو کا مزید کہنا ہے کہ سید علی گیلانی کی زندگی جہد مسلسل کا ایک استعارہ تھی۔ انہوں نے سید علی گیلانی کے انتقال پر دنیا بھر میں مقیم بالخصوص آزاد و مقبوضہ وادی کے کشمیریوں سے تعزیت کا اظہار کیا۔
Short Link
Copied
