paksahafat پاک صحافت
Related Articles
لاہور (پاک صحافت) کورونا وائرس کے پھیلاو کے پیش نظر ایک ماہ قبل ملک بھر کے تمام مزارات کو بند کیا گیا تھا۔ اب محکمہ اوقاف کی جانب سے پنجاب کے تمام مزارات زائرین کے لئے کھولنے کا اعلان کیا گیا ہے۔
تفصیلات کے مطابق محکمہ صحت پنجاب کی جانب سے نوٹیفکیشن جاری ہونے کے بعد صوبائی دارالحکومت لاہور میں واقع حضرت داتا گنج بخش اور بی بی پاک دامن کے مزار سمیت دیگر تمام مزارات کو زائرین کے لئے کھول دیا گیا ہے۔ وزیر اوقاف سعید الحسن شاہ نے داتا دربار پر مزارکی قفل کشائی کی۔
وزیرمذہبی امور سعید الحسن شاہ نے لاہور میں داتادربار پر حاضری دی اورمزار کو زائرین کے لیے کھولا۔ مزارات کھولنے کے اقدام کو عوام نے خوش آئند قرار دیا ہے۔ شہری مزارات پر حاضری دے کر اللہ تعالی سے خصوصی دعائیں مانگتے ہیں اور روحانی سکون حاصل کرتے ہیں۔
Short Link
Copied
