paksahafat پاک صحافت
Related Articles
کراچی (پاک صحافت) جماعت اسلامی کی جانب سے گزشتہ کئی روز سے کراچی میں جاری دھرنے کی حکومتی اتحادی جماعت ایم کیو ایم نے حمایت کا اعلان کردیا ہے۔
تفصیلات کے مطابق ایم کیو ایم کنوینر خالد مقبول صدیقی نے کہا ہے کہ متنازع قانون کے خلاف عدالتوں کا فیصلہ نہیں آیا تو الگ صوبے کا مطالبہ دوسرا رنگ اختیار کرلے گا۔ سندھ میں بلدیاتی قانون کے خلاف متحدہ نے سیاسی و کاروباری اسٹیک ہولڈرز کی کانفرنس بلالی ہے۔
ذرائع ابلاغ کے نمائندوں سے گفتگو کے دوران خالد مقبول صدیقی نے سندھ اسمبلی کے سامنے جماعت اسلامی کے دھرنے کی حمایت کی۔ انہوں نے جماعت اسلامی کے دھرنے کا خیرمقدم کرتے ہوئے کہا کہ سندھ کی اپوزیشن جماعتوں کے تحفظات دور نہ ہوئے تو معاملہ علیحدہ صوبے کی طرف چلا جائے گا۔ یاد رہے کہ پی پی حکومت کی جانب سے بلدیاتی قانون نافذ کرنے کے خلاف جماعت اسلامی کی جانب سے سندھ اسمبلی کے باہر کئی روز سے احتجاجی دھرنا جاری ہے۔
