paksahafat پاک صحافت
Related Articles
کوئٹہ (پاک صحافت) گراں وزیرِ اطلاعات بلوچستان جان اچکزئی کا کہنا ہے کہ آرمی چیف نے ملک دشمن قوتوں کی سازشوں کو ہر محاذ پر ناکام بنایا ہے، افغانستان کی سر زمین پاکستان کے خلاف دہشت گردی میں استعمال ہو رہی ہے۔
تفصیلات کے مطابق جان اچکزئی نے پریس کانفرنس کے دوران کہا ہے کہ پاکستان دہشت گردی کی صورتِ حال سے نمٹ رہا ہے، ملک معیشت کا حب بننے جا رہا ہے۔ انہوں نے کہا کہ بلوچ یک جہتی کمیٹی اور انسانی حقوق کے نام نہاد کارکن اچانک جاگ اٹھے ہیں، بلوچ یک جہتی کمیٹی غریب مزدوروں کے قتل پر کیوں نہیں بولتی؟ اس کمیٹی نے اپنے آپ کو بے نقاب کیا ہے۔ جان اچکزئی کا کہنا ہے کہ دہشت گردوں کے ہمدردوں اور سہولت کاروں کو بے نقاب کرنا ضروری ہے۔
واضح رہے کہ جان اچکزئی کا مزید کہنا ہے کہ آج دو اہم مفاہمتی یادداشتوں پر دستخط کرنے جا رہے ہیں، مفاہمتی یادداشت کا مقصد آئی ٹی کے شعبے میں سہولت فراہم کرنا ہے۔ انہوں نے یہ بھی کہا ہے کہ ملک کے معاشی حالات بہتر کرنے میں آرمی چیف نے اہم کردار ادا کیا ہے، بلوچستان میں نوجوانوں کے مستقبل کو روشن بنائیں گے، ملک سے دہشت گردی کا خاتمہ کیا جائے گا۔
