paksahafat پاک صحافت
Related Articles
اسلام آباد (پاک صحافت) وفاقی حکومت نے ملک بھر کے سیلاب سے متاثرہ علاقوں اور اضلاع میں بارہ سو میڈیکل کیمپس لگانے کا فیصلہ کیا ہے۔
تفصیلات کے مطابق وزیرصحت عبدالقادر پٹیل کی ہدایت پر سیلاب سے متاثرہ اضلاع میں 1200 ہیلتھ کیمپس لگانے کا فیصلہ کیا گیا ہے۔ ترجمان وزارت صحت کے مطابق ہیلتھ کیمپس، نیشنل ایمرجنسی آپریشن سیل، صوبائی ای او سیز اور آغا خان یونیورسٹی کے اشتراک سے لگائے جائیں گے۔
وزیر صحت عبدالقادر پٹیل نے کہا ہے کہ بلوچستان کے 6 اضلاع میں 300، خیبرپختونخوا کے 8 اضلاع میں 400 ہیلتھ کیمپ لگائے جائیں گے۔ پنجاب کے 2 اضلاع میں 100، اندرون سندھ کے 6 اضلاع میں 300 ہیلتھ کیمپس لگانے کا فیصلہ کیا گیا ہے، جبکہ کراچی میں بھی 95 ہیلتھ کیمپ لگائے جائیں گے۔ طبی کیمپوں میں ادویات، بچوں کی ویکسینیشن سمیت صحت کی تمام بنیادی سہولیات دستیاب ہوں گی، جلد کے امراض، آنکھوں کے انفیکشن، اینٹی ڈائریا کی ادویات بھی فراہم کی جائیں گی۔
