paksahafat پاک صحافت
Related Articles
لاہور (پاک صحافت) مریم نواز نے کہا ہے کہ گزشتہ تین سال سے مسلسل عوام کا استحصال کرنے والے اب عوام کے سامنے منہ دکھانے کے قابل نہیں رہے ہیں۔ اس لئے عوامی عدالت سے بھاگنے کے لئے مختلف حربے استعمال کررہے۔
تفصیلات کے مطابق سماجی رابطے کی ویب سائٹ ٹوئٹر پر بیان جاری کرتے ہوئے مسلم لیگ ن کی نائب صدر مریم نواز نے کہا ہے کہ پی ٹی آئی والے ڈسکہ انتخابات ملتوی ہونے پر جشن منارہے جبکہ انتخابات ہوں گے اور عوام اپنی رائے کا اظہار ضرور کرے گی۔ انہوں نے حکومت کو مخاطب کرتے ہوئے کہا کہ تم لوگوں کو ڈر کس بات پر ہے عوام سے، ووٹ سے یا یوم حساب سے؟
مریم نواز کا مزید کہنا ہے کہ عوام اب تم لوگوں سے بیزار ہوچکی ہے اور ووٹ کی پرچی تمہاری جعلی حکومت کے لئے موت کا پروانہ ثابت ہوگی۔ حکومت کبھی عوام کو ووٹ ڈالنے سے روکتی ہے اور کبھی نواز شریف اور اس کی بیٹی کا ساتھ دینے سے روکتی ہے۔ ملکی ادارے عوام کے ہیں اور یہ ادارے عوام کے غیض و غضب سے تمہیں نہیں بچاسکتے۔
