paksahafat پاک صحافت
Related Articles
پاک صحافت یمن کی مسلح افواج کے ترجمان یحییٰ الساری نے کہا کہ ہم نے بحیرہ عرب میں ایک اسرائیلی ٹینکر جہاز کو نشانہ بنایا ہے اور یہ غزہ کی پٹی پر اسرائیل کے حملوں کو روکنے کے لیے ہماری مہم کا حصہ ہے۔
ترجمان نے پیر کو بتایا کہ بحری میزائل کا استعمال ایم ایس سی اسکائی نامی جہاز کو نشانہ بنانے کے لیے کیا گیا۔
ان کا کہنا تھا کہ میزائلوں نے جہاز کو درست طریقے سے نشانہ بنایا جب کہ اس سے قبل ہمارے ڈرون طیاروں اور میزائلوں نے بحیرہ احمر میں امریکی بحریہ کے ایک جنگی جہاز کو بھی نشانہ بنایا تھا۔
ترجمان نے کہا کہ ان دونوں حملوں نے ثابت کر دیا کہ یمنی فورسز بیک وقت کئی بڑی کارروائیاں کر سکتی ہیں۔
یحییٰ الساری کے بیان سے قبل میڈیا میں یہ خبریں سامنے آئی تھیں کہ خلیج عدن میں کوئی واقعہ پیش آیا ہے۔
برطانیہ کی میری ٹائم ٹریڈ آپریشن ایجنسی اور برطانوی سیکیورٹی فرم ایمبرے نے اطلاع دی ہے کہ یمن کی بندرگاہ عدن کے جنوب مشرق میں ایک دھماکے کے بعد ایک جہاز میں آگ لگ گئی۔
سمندری ٹریفک کی نگرانی کرنے والی ویب سائٹس نے اطلاع دی ہے لائبیریا کے پرچم تلے سفر کر رہا تھا اور پیر کو خلیج عدن میں تھا۔
یمنی افواج کے ترجمان نے کہا ہے کہ جب تک غزہ کی پٹی میں صیہونی حکومت کے حملے بند نہیں ہوتے، اسرائیل کے ساتھ کسی بھی قسم کے رابطے رکھنے والے بحری جہازوں کو نشانہ بنانا جاری رہے گا۔
