paksahafat پاک صحافت
Related Articles
دمشق {پاک صحافت} شام کے صدر نے دمشق کی حمایت کرنے پر اسلامی جمہوریہ ایران کا شکریہ ادا کیا ہے۔
خبر رساں ادارے فارس کی رپورٹ کے مطابق اسلامی جمہوریہ ایران کے وزیر خارجہ امیر عبداللہیان نے دمشق میں شام کے صدر بشار اسد سے ملاقات کی اور کئی اہم امور پر بات چیت کی۔ اس موقع پر شام کے صدر بشار اسد نے ایران کی جانب سے دمشق کی حمایت کرنے پر ایران کی تعریف کی اور ایرانی قوم سے اظہار تشکر بھی کیا۔ شامی صدر نے دوطرفہ علاقائی تعاون اور عالمی صورتحال پر اپنا موقف واضح کیا۔
اسلامی جمہوریہ ایران کے وزیر خارجہ امیر عبداللہیان نے اجلاس میں اس بات پر زور دیا کہ اس حساس علاقے میں غیر ملکی فوجیوں کی موجودگی خطے میں امن کے قیام اور استحکام کے لیے نقصان دہ ہے۔ انہوں نے کہا کہ اس میں کوئی شک نہیں کہ اسلامی اور علاقائی ممالک کے درمیان بات چیت اور تعاون کو فروغ دینا خطے میں پائیدار امن کے لیے بہت اہم ہے۔ یہ بات قابل غور ہے کہ ایران کے وزیر خارجہ امیر عبداللہیان اتوار کو بغداد کانفرنس کے بعد شام کے دورے پر دمشق پہنچے۔
