paksahafat پاک صحافت
Related Articles
بیجنگ (پاک صحافت) چین کی ٹیکنالوجی کمپنی نے دنیا کا چھوٹا ترین 4 جی اسمارٹ فون لانچ کر دیا، خیال رہے کہ دنیا کے سب سے چھوٹے اسمارٹ فون کا ڈسپلے پام فون (3.3انچ ڈسپلے والے)سے بھی چھوٹا یعنی صرف 3 انچ ڈسپلے پر مشتمل ہے۔ جبکہ اس اسمارٹ فون کی قیمت بھی بہت ہی کم رکھی گئی ہے۔
تفصیلات کے مطابق چائنیز برانڈ نے حال ہی میں مونی منٹ اسمارٹ فون لانچ کروایا ہے جس سے متعلق کمپنی کا دعویٰ ہے کہ یہ دنیا کا سب سے چھوٹا 4Gاسمارٹ فون ہے۔ مونی منٹ نامی دنیا کا سب سے چھوٹا اسمارٹ فون ڈوئل سم کارڈ سپورٹ کے ساتھ تیار کیا گیا ہے، اس میں فوٹو گرافی کے لیے 5 میگا پکسل ریئر کیمرہ اور 2 میگا پکسل فرنٹ کیمرہ موجود ہے۔
واضح رہے کہ دنیا کے چھوٹے ترین 4 جی اسمارٹ فون کی قیمت صرف 150 ڈالر رکھی گئی ہے، جو پاکستان کرنسی کے حساب سے تقریبا 24 ہزار اور کچھ روپے بنتی ہے۔ کمپنی کے مطابق نئے اسمارٹ فون کی کی فروخت کے لیے فراہمی کا آغاز رواں برس نومبر سے کیا جائے گا۔
