paksahafat پاک صحافت
Related Articles
کراچی (پاک صحافت) میئر کراچی بیرسٹر مرتضیٰ وہاب کا کہنا ہے کہ 10 نومبر کو کراچی سٹی کونسل کا اجلاس بلایا جائے گا۔ خیال رہے کہ مرتضیٰ وہاب نے سچل گوٹھ کا دورہ کیا اور ڈپٹی میئر سلمان عبداللّٰہ مراد کے ہمراہ سڑک کا سنگِ بنیاد رکھا۔
تفصیلات کے مطابق میڈیا سے گفتگو کرتے ہوئے مرتضی وہاب نے کہا کہ ڈیڑھ کلو میٹر طویل سڑک سے سچل گوٹھ کے مکینوں کو سہولت ملے گی، سڑک کی تعمیر سے ہمارے ایک اور وعدے کی تکمیل ہو رہی ہے۔ میئر کراچی نے کہا کہ انفرااسٹرکچر کو بہتر کرنے میں کوئی کسر نہیں چھوڑیں گے۔
واضح رہے کہ اُنہوں نے کہا کہ صفورا گوٹھ کے عوام کا مسئلہ حل کر دیا ہے، 4 ماہ میں سڑک کے کنارے سیوریج لائن بھی بنا دی جائے گے، کراچی میں تنقید اور کام کرنے والی دو قیادتیں کام کر رہی ہیں۔مرتضیٰ وہاب نے کہا ہے کہ جماعتِ اسلامی اور پی ٹی آئی کی یو سیز میں بھی پیپلز پارٹی کام کر رہی ہے۔
