paksahafat پاک صحافت
Related Articles
خیرپور (پاک صحافت) بلاول بھٹو کا کہنا ہے کہ ہم نہیں مانتے کہ ملک میں انصاف کا کوئی ادارہ ہے۔
تفصیلات کے مطابق پیپلزپارٹی کے چیئرمین اور وزیر خارجہ بلاول بھٹو نے خیرپور میں ایک تقریب سے خطاب کرتے ہوئے کہا ہے کہ ادارے میں چند افراد ضد پر اتر آئے ہیں، سیاست کر رہے ہیں، اگر سیاست کرنی ہے تو تیاری پکڑیں ہم اپ کا سیاست میں مقابلہ کریں گے، ان کٹھ پتلیوں کو جواب دیں گے، تخت لاہور میں بیٹھ کر ان غیر جمہوری قوتوں کو جواب دیں گے۔
بلاول بھٹو کا مزید کہنا تھا کہ ان ہی عدالتوں کی وجہ سے قائد عوام کو پھانسی پر چڑھایا گیا، انہیں شرم نہیں آئی، خیال نہیں آیا، آج تک کسی جج نے شہید ذوالفقار علی بھٹو کا کیس نہیں سنا، ججز جو مشرف کے ساتھ ملی بھگت کر کے 11 سال کی آمریت کی اجازت دیتے ہیں، جب بے نظیر شہید ہوئیں تو ججز کو غیرت نہیں آئی کہ انہیں انصاف دیں۔
انہوں نے کہا کہ میں عوام کے حقوق کے تحفظ کیلئے تیار ہوں، نہ میں اپنے نانا اور نہ ہی والدہ کو انصاف دلاسکا، عمران خان اور سابق اسٹیبلشمنٹ مانتی ہے کہ انہوں نے آئین پر ڈاکہ مارا۔
