paksahafat پاک صحافت
Related Articles
اسلام آباد (پاک صحافت) جاوید لطیف کا کہنا ہے کہ ہمیں معلوم ہے عمران خان راتوں کو کن کن سے ملاقاتیں کر رہا ہے، عمران خان کے سہولت کاروں کا ہمیں پتہ ہے۔
تفصیلات کے مطابق مسلم لیگ ن کے رہنما جاوید لطیف نے پریس کانفرنس سے خطاب کرتے ہوئے کہا ہے کہ عمران خان دراصل چابی والا کھلونا ہے، جو کبھی بھی اپنی مرضی سے نہیں ہلتا ہے۔ انہوں نے پی ٹی آئی چیئرمین کو مخاطب کرتے ہوئے کہا کہ ہمیں معلوم ہے تمہارے سہولت کار تمہیں اب بھی کس امید میں رکھے ہوئے ہیں۔
جاوید لطیف کا مزید کہنا تھا کہ ہمیں معلوم ہے عمران خان مسلح جتھے لے کر اسلام آباد آرہا ہے اور لاشیں گرانا چاہتا ہے کیونکہ اسے کہا گیا ہے کہ لاشیں گراؤ گے تو تھرڈ امپائر کی انگلی کھڑی ہوگی۔ انہوں نے کہا کہ قوم کا سوال ہے کہ اگر ادارے نیوٹرل ہوگئے ہیں تو پھر انہیں نظر بھی آنا چاہیے۔ جسٹس شوکت عزیزصدیقی نے کہا تھا ایک بت کو تین اداروں نے مل کر تراشا تھا۔
