اسلام آباد (پاک صحافت) الیکشن کمیشن نے تحریک انصاف کی ضمنی انتخابات 19 مارچ کو کروانے کی درخواست مسترد کردی ہے۔
تفصیلات کے مطابق تحریک انصاف نے الیکشن کمیشن کو ضمنی انتخابات 16 کی بجائے 19 مارچ کو منعقد کروانے کی درخواست دی تھی۔ الیکشن کمیشن نے درخواست مسترد کرتے ہوئے مؤقف دیا کہ 60 روز میں انتخابات کروانا الیکشن کمیشن کی آئینی ذمہ داری ہے۔
الیکشن کمیشن کا مزید کہنا ہے کہ 19 مارچ کو الیکشن کروانے سے آئین کی خلاف ورزی ہوگی۔ بتایا گیا ہے کہ ضمنی انتخابات والے حلقوں میں 16 مارچ کو مقامی تعطیل کا فیصلہ کیا گیا ہے جس کیلئے الیکشن کمیشن صوبائی حکومتوں کو خط ارسال کرے گا۔