paksahafat پاک صحافت
Related Articles
اسلام آباد (پاک صحافت) خورشید شاہ کا کہنا ہے کہ عمران خان نے اپنی مقبولیت کی خاطر سیاست میں منفی قدروں کو فروغ دیا۔
تفصیلات کے مطابق وفاقی وزیر آبی وسائل سید خورشید شاہ نے اپنے ایک بیان میں کہا کہ سیاسی لیڈر کا بڑا پن جمہوری قدروں کی پامالی سے نہیں بلکہ جمہوری رویوں کے فروغ سے ظاہر ہوتا ہے۔ جمہوریت بردباری اور برداشت کا نام ہے۔ اقتدار آنی جانی چیز ہے، سیاست دان نہ تو اقتدار کے نشے میں چور ہو کر بہکتا ہے اور نہ اقتدار سے باہر جا کر ملکی مفاد کے برعکس بیانیے بنا کر عوام کو گمراہ کرتا ہے۔
خورشید شاہ کا مزید کہنا ہے کہ عمران خان کو اب جھوٹ کی سیاست کو ترک کرکے سچائی کو اپنانا ہوگا کیوںکہ فتح آخر کار سچ ہی کی ہوتی ہے۔ انہوں نے کہا کہ عمران خان کے جھوٹے بیانیوں کی فہرست بہت طویل ہے، یہ داستان اقبال پارک کے اُن گیارہ نکات سے شروع ہوتی ہے جن کی بنیاد پر پی ٹی آئی نے نیا پاکستان بنانا تھا لیکن بدقسمتی سے وہ گیارہ نکات اب نہ لیڈر کو یاد ہیں اور نہ پی ٹی آئی کے ورکروں کو اُن کا کچھ پتا ہے۔
