paksahafat پاک صحافت
Related Articles
لاہور (پاک صحافت) پی ٹی آئی رہنما نے جہانگیر ترین کی حمایت میں عمران خان سے مطالبہ کیا ہے کہ وہ اسے بچانے کے لئے اپنا کردار ادا کریں۔ کیونکہ اس کا نقصان پوری پارٹی کو ہورہا ہے۔
تفصیلات کے مطابق پی ٹی آئی رہنما راجہ ریاض نے بینکنگ کورٹ لاہور کے باہر ذرائع ابلاغ کے نمائندوں سے گفتگو کرتے ہوئے جہانگیر ترین سے مکمل یکجہتی اور ان کا بھرپور ساتھ دینے کا اعلان کیا ہے۔ ان کا کہنا ہے کہ عمران خان صاحب کے لئے اعتماد کا ووٹ لینے میں سب سے اہم کردار جہانگیر ترین کا ہے۔
پی ٹی آئی رہنما راجہ ریاض نے مطالبہ کیا کہ خان صاحب! اپنے بہترین اور جاں نثار دوست کے خلاف زیادتی بند کرائیں۔ اس کا نقصان تحریک انصاف کو پہنچ رہا ہے۔ پنجاب کی حکومت جہانگیر ترین نے بنائی۔ انہوں نے کہا کہ عمران خان کے ارد گرد کے لوگ جہانگیر ترین کے خلاف سازش کر رہے ہیں۔ وزیراعظم کو ان کے خلاف ایکشن لینا چاہیئے۔
