paksahafat پاک صحافت
Related Articles
لاہور (پاک صحافت) پی ڈی ایم سے علحیدگی اور گزشتہ روز دونوں جماعتوں سے معافی مانگنے کے مطالبے کے بعد اس بات کا امکان مضبوط ہوگیا ہے کہ اب پیپلزپارٹی اور اے این پی نیا سیاسی اتحاد بنائیں گے۔
تفصیلات کے مطابق نئے سیاسی اتحاد سے متعلق پی پی اور اے این پی قائدین میں اہم پیشرفت آج متوقع ہے۔ بلاول بھٹو اور ایمل ولی کے مابین نئے سیاسی اتحاد پر اصولی اتفاق ہوچکا ہے۔ چیئرمین پیپلزپارٹی بلاول بھٹو آج وفد کے ہمراہ چارسدہ کا دورہ کریں گے، جہاں بلاول بھٹو بیگم نسیم ولی خان کی وفات پر اے این پی قیادت سے اظہار تعزیت کریں گے۔
ذرائع کے مطابق پیپلزپارٹی کے چیئرمین بلاول بھٹو اور اے این پی قیادت کے مابین اہم ملاقات بھی ہوگی، ملاقات میں مستقبل کے سیاسی لائحہ عمل پر غور کیا جائے گا، ملاقات کے بعد بلاول بھٹو اور اے این پی کے قائدین مشترکہ پریس کانفرنس بھی کریں گے۔
Short Link
Copied
